adidas Impossible Is Nothing

我最想呢，

可以白啲同面上冇咁多粒粒，

咁好快大家就會以為，

我想講護膚同化妝，

錯喇…

其實休息係最緊要，

所以可以嘅話，

我都會儘量早d瞓，

同埋令自己唔好咁緊張，

有時臨瞓覺之前聽一陣歌都幾好架，

不過要聽啲舒服柔和嘅歌呀！

所以呢，我決定offline喇，

爭取多啲時間休息嘛！

嘻嘻！

有冇試過任何打羽毛球或者網球嘅雙打？

要兩個人配合得好好，

好有默契，

攻擊同防守，

先可以得分，

同埋打到一場好嘅球賽！

以前我跑步同跨欄都係一個人，

好少有咁嘅機會。

而同阿SA組成twins之後，

呢6年我覺得好似打緊雙打咁，

有時一齊練習，

有時分開練習，

夾歌啦、排舞、拍MV等等…

好需要默契架，

大家一齊多咗，培養咗感情，

越來越了解對方，

我覺得我哋越來越有默契。

聽日呢….我又會見到呢個拍檔

同佢開工做嘢喇！

有時因為多嘢做，

三餐夾埋一餐食，

有時又會為食，

食無定時對身體真係唔係幾好。

最近我食咗素，

想健康啲嘛~

初初都唔慣架，

而家呢，仲係習慣當中，

希望對身體有改善啦！

拍咗一套好難忘嘅電影，

喺戲入面又要被人拖行，

又要被皮帶鞭打，

仲要喺十幾呎深井爬出黎…

真係好得人驚！

所以我都係鍾意拍動作片，

因為我係一個坐唔定嘅人，

所以喜歡拍有動作嘅電影，

要打要跳都易啲上手。

而最近拍緊一套戲

由於全程都要用國語講對白，

又係另一種挑戰，

不過我都會運用我嘅體育精神，

全力以赴嘅！

哈哈！

前一排好高興同大家分享以前跨欄嘅經歷，

最近我又有機會再跨欄，

不過就唔係喺運動場，

而係一個好特別嘅地方。

事前我做咗一輪熱身運動，

拉筋啦，大腿、小腿、手…

熱身運動真係好緊要，

會冇咁易受傷，

個人又會靈活啲…

嗰個好特別嘅地方，

就係一個停車場嘅閘口，

我要跨過嘅，

就係嗰支喺收費亭畀錢之前會欄住你嗰個閘喇…

感覺好特別！